Sagt verður um kudoa-sníkin, at hann er mikroskopiskur og finst í fleiri fiskasløgum kring heimin.
Áður hevur sníkurin verið ávístur í eitt nú makreli í Norðsjónum, men sum skilst, er hann ikki staðfestur í eitt nú toski og alifiski áður.
Nú veit norski Havgranskingarstovnurin at siga, at kudoa-sníkurin er staðfestur í útróðrarfiski og toskinum, sum norðmenn rópa "skrei".
Sníkurin, sum ger fiskin bleytan og nærmast gelé-kendan, er ikki vandamikil fyri menniskju, tó at tað ikki sær átuligt út, har sníkur setir seg á fiskin.
Havgranskingarstovnurin sigur á síni heimasíðu, at granskarar higartil bara hava funnið sníkin í makreli, men nú er hann so eisini funnin í toski.
Í apríl í ár varð kudoa-sníkurin funnin í útróðrarfiski í ymiskum økjum úr Skagerak til Lofoten.
Sníkurin setir seg í vøddavevnaðin.
Tá fiskurin doyr, gera ensymir - ella kveiki - fiskin bleytan og gelé-kendan, soleiðis at maturin í fiskinum nærmast verður "flótandi".
Meira um hetta kann lesast á www.kystmagasinet.no
