Mannarættindafelagsskapurin Amnesty International er bannaður í Russlandi og merktur sum "óynsktur felagsskapur".
Tað sigur russiski ákærin, Igor Krasnov, í eini fráboðan mánadagin.
Amnesty varð stovnað í 1961 og er á odda í altjóða átøkum fyri mannarættindum.
Russland ákærir høvuðssætið hjá felagsskapinum í London fyri at vera ein "miðdepil fyri at fyrireika globalar russofobiskar verkætlanir, sum Kiev-stjórnin stendur aftanfyri."
Russland heldur, at endamálið hjá Amnesty er at avbyrgja Russland "politiskt og búskaparliga ".
Russiska stjórnin hevur longu bannað fleiri NGO-feløgum í einum ára langari roynd at steðga atfinnarum.
Harði politikkurin mótvegis misálitisrøddum er øktur enn meira, eftir at Russland herjaði á Ukraina í februar 2022.
Á heimasíðuni nevnir Amnesty russiska álopið í Ukraina eitt "álopsstríð":
- Talufrælsið, savningar- og felagsskapsfrælsi er framvegis óvusliga skert, skrivar felagsskapurin.
Hann skrivar víðari, at tað er "viljaleys ákæra" av trúarbólkum, børnum, LGBTQ-bólkum og øðrum.
Bólkar, sum eru flokkaðir sum "óynsktir", hava forboð fyri at vera virknir í Russlandi.
Fólk, sum eru skuldsett fyri at virka vegna ein slíkan bólk, eru í vanda fyri bæði bót og longri fongsulsrevsing.
Tað er lutfalsliga vanligt, at bólkar verða flokkaðir sum óynsktir í Russlandi. Sambært tíðindastovuni AP eru tilsamans 223 felagsskapir, sum í løtuni eru lýstir óynsktir í Russlandi.
Amnesty International hevur verið fyri ágangi og fleiri ár við rannsóknum á táverandi skrivstovuni hjá felagsskapinum í Russlandi, sigur Vibe Klarup, aðalskrivari í Amnesty altjóða Danmark.
- Tað er ógvuliga vandamikið, at russiska stýrið nú endaliga bannar Amnesty í Russlandi, sigur Vibe Klarup í skrivligari viðmerking.
- Tað er enn ein kapittul í autoriteru russisku ætlanunum - og tað er órógvandi, tí vit síggja, hvussu russisk lóggáva gevur íblástur til lóggávu í øðrum londum, leggur hon afturat.
/Ritzau/AFP
