- Ukraina fer ikki av góðtaka avmarkingar í landsins hermegi í friðarsamráðingunum við Russland.
Tað sigur varaleiðarin á forsetaskrivstovuni hjá Volodymyr Zelenskyj, Pavlo Palisa.
- Hetta er okkara reyða linja í friðarsamráðingunum, sigur hann.
Hann leggur dent á, at hetta eisini er eitt prinsipp fyri Ukraina.
- Eingin - og heldur ikki álopslandið Russland - skal dikitera Ukraina, hvussu stórt hervald vit skulu hava, sigur hann.
Pavlo Palisa er avgjørdur um, at eitt væl fyrireikað Ukraina er besta trygdarveitingin móti nýggjum russiskum álopum í framtíðini.
Russiski forsetin, Vladimir Putin, hevur sagt, at ukrainski herurin skal verða avmarkaður, og hann hevur eisini sagt, at Ukraina ikki skal gerast limur í Nato.
Haraftrat sigur Russland, at landið í einari møguligari friðaravtalu skal varðveita fýra ukrainskir landslutir.
Hetta veit tíðindastovan NTB at siga í dag.
