Nú bátarnir eru komnir til bryggju, harmonikutónleikur hevur verið niðri við bátahylin, vælkomstrøða er hildin, og fólk hava fingið góða suppu, hald tiltøkini fram á bátafestivalinum á Toftum.
Harmonikutónleikur hevur eisini sjungað í tjaldinum; her hevur verið kaffisøla, tombola, og pylsuvognurin er opin á stevnuøkinum, umframt at skattaveiða hevur verið fyri børnum.
Klokkan 15 byrjaði sølan av vælumtóktu festivalbúffunum. Menninir í Undirhúsinum hava sungið í tjaldinum., og her hava eisini Martin Joensen og síðan Helena Eiriksdóttir verið á palli.
Og nú klokkan 17.15 fara Tinganest á pallin og seinni í kvøld Jógvan Ingvard Hansen.
Klokkan 18 fer Hilmar Jan Hansen at undirhalda í tjaldinum, og hann er altíð góður.
Í kvøld klokkan 19.30 til 21.30 verður syngið-við-tiltak saman við Fuglafjarðar Harmonikufelag.
Stóra tiltakið á skránni í kvøld verður afturvendandi stórdansurin við Halluri Joensen Band, sum savnar fleiri hundrað fólk. Dansitiltakið byrjar klokkan 23 og heldur fram til klokkan 04.
Eitt annað tiltak, sum eisini er á skránni á Toftum í dag, og Betri-deildardysturin á Svangaskarði nú klokkan 17 millum B68 og 07 Vestur.
##med2##
