Argjamenn fyrireika seg til komandi kappingarár. Enn er óvist, um AB spælir í bestu ella næstbestu deildini. Eitt er tó vist, og tað er at Tóki Næss Rasmussen spælir á Argjum.
- Fyrr í vikuni fekk AB enn eina góða undirskrift fyri komandi ár upp á pláss, tá Tóki Næss Rasmussen skrivaði undir nýggjan sáttmála. Sáttmálin er galdandi fyri kappingarárið 2025, skrivar AB
Tóki Næss Rasmussen spældi fleiri av sínum ungdómsárum við AB, og hevur eisini roynt seg í HB, Undrinum og FC Hoyvík. Síðsta vetur skifti 25 ára gamli Tóki Næss Rasmussen aftur til AB.
- Vit hava verið stak væl nøgd við skjóta og arbeiðssama bakkin við góða bóltførleikanum. Tóki Næss Rasmussen hevur í ár spælt 21 dystir fyri besta mansliðið hjá AB, og vit gleða okkum at síggja hann til enn fleiri dystir í 2025, skrivar AB.
AB liggur í løtuni á 5. plássi og tað er ein møguleiki fyri uppflyting, men argjamenn hava ikki bestu kortini á hondini.
| # | Lið | D | V | J | T | MF | MÍ | MM | Stig | |
|---|---|---|---|---|---|---|---|---|---|---|
| 1 | Víkingur | 25 | 14 | 6 | 5 | 63 | 31 | 32 | 48 | |
| 2 | FC Suðuroy | 24 | 10 | 11 | 3 | 49 | 32 | 17 | 41 | |
| 3 | B36 | 23 | 11 | 7 | 5 | 45 | 30 | 15 | 40 | |
| 4 | B71 | 24 | 10 | 8 | 6 | 35 | 27 | 8 | 38 | |
| 5 | AB | 25 | 9 | 9 | 7 | 45 | 30 | 15 | 36 | |
| 6 | TB | 24 | 8 | 12 | 4 | 33 | 22 | 11 | 36 | |
| 7 | KÍ | 25 | 9 | 3 | 13 | 31 | 46 | -15 | 30 | |
| 8 | NSÍ | 24 | 7 | 7 | 10 | 33 | 42 | -9 | 28 | |
| 9 | FC Hoyvík | 25 | 4 | 7 | 14 | 22 | 51 | -29 | 19 | |
| 10 | HB | 25 | 2 | 6 | 17 | 25 | 70 | -45 | 12 |
