Brasilska liðið, Fluminense hevur vunnið seg í hálvfinalurnar í HM-endaspælinum fyri felagslið.
Í fjórðingsfinaluni á Camping World leikvøllinum í Orlando í Florida eydnaðist tað Fluminense at vinna 2-1 á saudiska Al Hilal, ið hevði eina lítla favorittstøðu undan dystinum.
Martinelli legði Fluminense á odda fimm minuttir undan steðginum. Seks minuttir vóru farnir av seinna hálvleiki tá Marcos Leonardo javnaði fyri Al Hilal. Í 70. minutti skoraði Hércules sigursmálið fyri Fluminense. Al Hilal hevði bóltin væl meira, og teir høvdu fleiri royndir á málið hjá mótstøðuliðnum, men teir dugdu ikki líka væl at taka av møguleikunum.
Ein triðingur av setrunum vóru tóm undir dystinum, og tað er ikki gott fyri eina HM-fjórðingsfinalu.
Fluminense-Al-Hilal 2-1 (1-0)
1-0 Martinelli ('40)
1-1 Marcos Leonardo ('51)
2-1 Hércules ('70)
HER ber til at síggja hæddarpunktini frá dystinum millum Fluminense og Al Hilal:
##med2##
