Landsliðsleikarin, Vilhelm Poulsen og liðfelagarnir í Hannover-Burgdorf spældu í kvøld dyst í týsku bundesliguni á útivølli móti SG BBM Bietigheim.
Dysturin endaði við javnleiki 28-28. Í steðginum var støðan javnleikur 15-15.
Vilhelm var effektivur. Hann fekk tveir málmøguleikar, og hann setti báðar í netið.
Hannover er næstfremst í bundesliguni við 16 stigum, sama stigatali sum oddaliðið, Melsungen, ið tó hevur spælt ein dyst færri.
Í morgin klokkan 13 taka Elias Ellefsen á Skipagøtu og liðfelagarnir í THW Kiel móti Jóhan á Plógv Hansen og liðfeløgunum í Flensburg-Handewitt í tí týskarar nevna: "Nord-derby". Dysturin verður vístur á TV3 Max og á Viaplay.
