Seinnapartin spældu Teis Horn Rasmussen, Peter Krogh og liðfelagarnir í HC Aarhus dyst móti gamla liðnum hjá Teis, Tønder í heimadysti í næstbestu donsku hondbóltsdeildini.
Aarhus vann stórsigur 32-20. Tønder var betri við í fyrra hálvleiki, og í steðginum var Aarhus á odda 16-12.
Teis skoraði trý mál í dystinum.
Aarhus er næstfremst í deildini við 22 stigum fyri 13 dystir. Fremst er liðið hjá landsliðsmálverjanum, Paula Jacobsen, HØJ við 26 stigum.
Komandi sunnudag klokkan 16 tekur Aarhus móti liðnum hjá Kjartani Johansen, Lemvig-Thyborøn í Skærings-høllini.
