Føroyingauppgerð var í bestu íslendsku hondbóltsdeildini í kvøld.
Í Mossfellsbær tóku Hallur Arason, Sveinur Olafsson og liðfelagarnir í Afturelding móti Allani Norðberg, Bjarna í Selvindi og liðfeløgunum í Vali.
Tað eydnaðist Afturelding at vinna dystin 29-25. Í steðginum var Afturelding á odda 16-13.
Hallur skoraði tvey mál fyri Afturelding, og Bjarni skoraði tvey mál fyri Val.
Afturelding er næstfremst í deildini við 19 stigum. Valur er nummar fýra við 16 stigum. FH er oddalið við 21 stigum.
