Føroyingaliðini, Afturelding og Valur royndu seg í fjórðingsfinalunum í íslendsku steypakappingini í kvøld.
Liðið hjá Halli Arasyn og Sveini Olafssyni, Afturelding vann á útivølli á Akureyri 28-26 á KA. Í steðginum var Afturelding á odda 13-12.
Hallur skoraði trý mál fyri Afturelding.
Verandi steypavinnarin, Valur uttan Bjarna í Selvindi, ið fekk ein heilaskjálvta í dystinum móti Stjörnuni í farnu viku tapti 32-35 fyri Fram á útivølli. Í steðginum var støðan javnleikur 17-17.
Allan Norðberg skoraði tvey mál fyri Val.
Ígjár vunnu Jóhannes Bjørgvin og liðfelagarnir í Stjörnuni 35-34 (18-20) á ÍR.
Sostat vunnu tvey av trimum føroyingaliðum seg víðari til hálvfinalurnar.
