Tað vera Danmark og Norra, sum sunnudagin klokkan 17 fara at spæla finalu í EM kappingini í kvinnuhondbólti.
Tað er greitt, eftir at hálvfinalurnar vóru í kvøld.
Hjá norsku stórfavorittunum var einki at rafla um.
Norra spældi hálvfinalu ímóti Ungarn, og Norra vann 30-22.
Norra eigur einasta liðið, sum hevur vunnið allar dystirnar í hesum endaspælinum.
Í miðumfarinum vann Norra ímóti Danmark. Ta ferðina var úrslitið 27-24 til Norra.
Norðurlendsku grannarnir spældu seg víðari í hálvfinaluna.
Norra vann miðbólkin og spældi hálvfinalu ímóti Ungarn, og Danmark endaði næstfremst og spældi hálvfinalu ímóti Fraklandi.
Danmark vann í kvøld 24-22 ímóti Fraklandi. Hálvleiksstøðan var 13-11 til Danmark.
Heilt stóri spælarin á danska liðnum í kvøld var málverjin Anna Kristensen, sum bjargaði 16 av 37 royndum ímóti málinum og harvið hevði 43,24 í bjargingarprosenti.
Úrslitið var heilt serligt á tann hátt, at hetta var fyrsta ferðin, síðani Jesper Jensen tók við sum landsliðsvenjari, at tað eydnaðist at vinna ímóti Fraklandi.
Danmark var eisini í finaluni fyri tveimum árum síðani. Ta ferðina var mótstøðuliðið eisini Norra, sum vann gull.
