Skógareldurin í statinum Kalifornia í USA, sum hevur fingið navnið "Franklin Fire", spjaðir seg skjótt.
Lítil væta er í luftini, og tað er nógvur vindur. Tískil spjaðir eldurin seg eisini skjótt í økinum.
Eitt talsfólk hjá sløkkiliðnum sigur við CNN, at eldurin er trífaldaður í vídd eftir bara fáum tímum.
Sagt verður úr Kalifornia, at eldurin seinnapartin í dag fevndi um eitt øki á einar átta ferkilometrar.
Fleiri enn 6000 fólk eru flutt burtur úr økinum, har skógareldurin herjar.
Hetta er kring strandabýin, Malibu í Los Angeles, og soleiðis í útsynningspartinum av Kalifornia.
