Hóast at samlaða sølan lækkaði, so hækkaði ársúrslitið eftir skatt úr 108 mió til 119 mió, og leiðslan metir úrslitið vera nøktandi. Sostatt er eginognin hækkað úr 1,911 mia upp í 2,024 mia, og skuldin hjá felagnum er nú 753 mió.
Størsti parturin av inntøkuni hjá samtakinum stavar frá fiskiskapinum - uppisjóvarskipini fiskaðu eitt vet met minni í fjør í mun til árið fyri, og hetta gav eina lækking í nøgd á gott 45.000 tons og eina lækking í sølu á 135 mió. Nøgdin av makreli minkaði eisini úr 43.000 niður 17.000 tons við einum tvífaldaðum miðalprísi. Nøgdin og miðalprísurin á svartkjafti var nakað tað sama sum árið fyri, og eingin lodna var í 2024.
Prísurin á fiskalýsi og protein hevur ongantíð í søguni verið so høgur sum í 2023, men hóast hetta so tvífaldaðist prísurin í 2024, og alt varð selt til matna.
