Eliesar Olsen er nýggjur venjari hjá B36 kvinnunum
B36 hevur sett nýggjan venjara at taka sær av kvinnuliðnum.
Í kvøld boðar árstalsfelagið í Gundadali frá, at Eliesar Olsen tvey tey næstu árini fer at hava ábyrgdina av kvinnuliðnum hjá B36.
35 ára gamli Eliesar Olsen er ættaður av Skála og er búsitandi á Eiði.
Hann hevur royndir sum venjari í mannfólkadeildini, har hann bæði hevur verið venjari í bestu og næstbestu deildini og eisini 2. deild og U-21 deildini umframt at hann hevur verið venjari í barna- og ungdómsfótbólti.
Eliesar hevur vant barndómsfelagið Skála í fleiri umførum, umframt at hann hevur verið venjari í EB/Streymi og eisini B68.
Hetta er tó fyrsta ferðin yvirhøvur, at Eliesar Olsen verður venjari í kvinnufótbólti.
Í undanfarna kappingarári vóru B36 kvinnurnar í lægra partinum í kvinnudeildini í endaspælinum.
