Tað er gull í Grønlandi, og nú hevur felagið, Amaroq Minerals, fingið uppaftur 250 milliónir krónur til eina verkætlan at vinna gull úr grønlendsku undirgrundini.
Talan er um nýggj partabrøv í felagnum, sum hevur eina gullverkætlan í Nalunaq í Grønlandi. Tað er Amaroq Minerals, sum eigur myndina av gullkubbanum her omanfyri.
Sambært Sermitsiaq er tað íslendingurin, Eldur Olafsson, sum stendur á odda fyri kanadiska felagnum, Amaroq Minerals, sum eigur gullverkætlanina í Nalunaq.
Sagt verður, at fráboðanin um nýggja partapeningin kom stutt eftir, at felagið hevði framleitt sín fyrsta sonevnda doré-gullkubban úr náminum.
Meira um hetta kann lesast í keypsútgávuni hjá grønlendsku heimasíðuni - www.sermitsiaq.ag
