Klokkan 17.45 í morgin spælir liðið hjá Gunnari Vatnhamar enn ein dyst í deildarspælinum í Conference League.
Víkingur Reykjavík møtir armenska liðnum, Noah á tjóðarleikvøllinum í Jerevan, har Gunnar hevur góð minnir við landsliðnum.
Men Víkingur má klára seg uttan Gunnar: - Eg fekk ein skaða í knæið sum ger, at eg eri ikki klárur til dystin. Greiðir Gunnar frá í stuttari viðmerking til in.fo.
Víkingur hevur tó tveir aðrar Conference League dystir undan jólum. 12. desember fáa teir Djurgården, og 19. desember spæla teir á útivølli móti LASK Linz í Eysturríki.
Víkingur er í løtuni nummar 13 av teimum 36 liðunum í deildarspælinum í Conference League. Víkingur hevur vunnið seks í trimum dystum.
Noah hevur eina lítla favorittstøðu í morgin, men Víkingur hevur Cercle Brügge og Borac Banja Luka, so teir eru avgjørt ikki uttan møguleikar móti Noah.
Í seinasta umfarinum tapti Noah 0-8 (0-6) fyri Chelsea á Stamford Bridge leikvøllinum í London.
