Jóan Símun Edmundsson og liðfelagarnir í KA vóru í dag fyri stórtapi í botnuppgerð í bestu íslendsku fótbóltsdeildini.
Á útivølli á Kaplakrika leikvøllinum á Hafnarfirði tapti KA heili 0-5 fyri FH.
Tá Jóan Símun kom á vøllin beint eftir steðgin var støðan 2-0.
KA er næstaftast í deildini við 15 stigum.
Komandi leygardag hevur KA heimadyst móti Akranesi, ið liggur aftast í deildini við 12 stigum.
