Tróndur Mikkelsen og liðfelagarnir í Kristiansand spældu í kvøld dyst í bestu norsku hondbóltsdeildini. Dysturin var á utivølli móti oddaliðnum, Elverum.
Elverum van greitt 35-25. Í steðginum var heimaliðið á odda 19-13. Tróndur skoraði eitt mál.
Kristiansand er nummar níggju í deildini við 10 stigum. Kristiansand hevur trý stig upp til áttanda plássið, ið gevur atgongd til endaspælið.
Leygardagin klokkan 17 hevur Kristiansand heimadyst móti gamla liðnum hjá Kjartani Johansen, Bækkelaget.
