- Klokkan 19 í kvøld kom fráboðan frá Norrønu um, at ein persónur var farin fyri borð. Norrøna var tá stødd suður úr Noregi.
Soleiðis greiðir stjórin í Smyril Line, Jens Meinhard Rasmussen, frá í tíðindaskrivi fyrr í kvøld.
Hann vísir á, at leiting beinanvegin varð sett í verk av Hovedredningssentralen í Noregi, sum sendi skip og tyrlu á staðið.
- Eftir boðum frá norsku myndugleikunum fór Norrøna aftur í sigling klokkan 21. Leitingin eftir viðkomadi heldur fram, greiðir stjórin í Smyril Line frá.
Jens Meinhard Rasmussen leggur at enda aftrat, at Norrøna verður á Havnini í annaðkvøld, sunnukvøldið.
Í fyrru av tveimum fráboðanum, sum Smyril Line sendi út í kvøld, stendur, at talan var um eitt ferðafólk, sum fór fyri borð.
Tað vóru eisini ferðafólk, sum løgdu til merkis, at ein persónur "datt av Norrønu", soleiðis sum stjórin í Smyril Line orðar seg.
Fyrra skrivið, sum Jens Meinhard Rasmussen, stjóri, sendi út í kvøld, var soljóðandi:
##med2##
Lesið eisini - https://www.in.fo/news-detail/madur-farin-fyri-bord-a-norroenu
Lesið eisini - https://www.in.fo/news-detail/leitingin-stedgad-rokna-vid-at-madurin-er-deydur
