Tað sæst í tilfarinum sum fíggjarnevnd Løgtingsins arbeiðir við í sambandi við fíggjarlógina fyri komandi ár.
Fíggjarnevndin spyr, um rakstrarstuðulin til P/F Eystur- og sandoyartunlar heldur fram ella kann væntast at verða avtikin, tá útreiðslur ikki longur verða fyri landskassan av ferðsluveðhaldinum. Løgmansskrivstovan svarar, at játtan frá landskassanum til P/F ES-tunlar hava verið partapeningur, ferðsluveðhald, ferðslustuðul á 7 mió. kr. árliga fyri at tunnilsfelagið kundi lækka prísirnar, umframt rakstrarstuðulin á 10 mió. kr. árliga frá tí at landskassin spardi útreiðslurnar til sigling millum Skopun og Gomlurætt.
– Í løtuni eru ongar ætlanir um at broyta rakstrarstuðulin ella ferðslustuðulin til ES-tunlar. Um politiskt ynski verður um tað, verður tað tikið upp, tá hetta kann gerast aktuelt, í fyrsta lagi eftir at raksturin hjá felagnum byrjar at geva avlop, skrivar Løgmansskrivstovan til fíggjarnevndina.
##med2##
##med3##
