Fleiri útlendskir miðlar skriva um hendingina, sum fór fram heilt har norðuri í Fraklandi millum klokkan 16 og 16.30, lokala tíð í dag.
Millum tey deyðu vóru tveir trygdarvørðar og tveir tilflytarar.
Eftir hendingina var nógv løgregla á staðnum, og sambært fronskum miðlum vóru eisini deildir hjá herinum við flóttafólkaleguna.
Ein persónur er undir illgruna fyri skjótingina. Hann yvirgav seg á løgreglustøðini í Ghyvelde, vita franskir miðlar at siga.
Sagt verður eisini, at hin skuldsetti eisini skal hava dripið ein mann í býnum, Wormhout, fyrr í dag, og flýddi síðan av staðnum.
Sambært La Voix du Nord er ikki greitt, hvor orsøkin er til, at hin skuldsetti fór at skjóta eftir fólki.
