Fult umfar var í SMS-deildini í dag.
Í Hoyvíkshøllini vann Kyndil toppdystin móti H71. Í einum málríkum dyst vann Kyndil 37-32 á H71. Í steðginum vóru tær grønu frammanfyri 18-13.
Sofie Kornelius og Anna Elisabeth H. Weyhe vóru toppskjúttar hjá H71 við seks málum hvør. Enn eina ferð var Turið Arge Samuelsen toppskjútti hjá Kyndli. Hesaferð við 12 málum.
Í høllini á Hálsi í Havn vann Neistin 29-26 á Stjørnuni. Í steðginum var Neistin á odda 16-14.
Anna S. Mikkelsen, Hervør Niclasen og Silja Heðinsdóttir vóru toppskjúttar hjá Neistanum. Tær skutu fimm mál hvør. Við sjey málum var Tóra Eliasen toppskjútti hjá Stjørnuni.
Suðuri í Vági vann EB 27-22 á VB. Eiðiskvinnur vóru frammanfyri 13-10 í steðginum.
Elsebeth Kjærbo Vinther var toppskjútti hjá VB við seks málum. Silja Geirsdóttir Eystberg var toppskjútti hjá EB við níggju málum.
Í høllini á Skála vann VÍF stórsigur 37-20 á StÍF. Í steðginum var munurin longu sera stórur. Tá vóru vestmannakvinnur á odda 24-10.
Bára Nesá var toppskjútti hjá StÍF við fimm málum. Toppskjúttar hjá VÍF við fimm málum hvør vóru Gunnvá Bárðardóttir Nielsen og Rakul Borgarlíð Joensen,
HER eru dómaraseðlarnir frá HSF frá sigrunum hjá Kyndli, Neistanum, EB og VÍF:
##med2##
##med3##
##med4##
##med5##
##med6##
