Jóhannes Bjørgvin og liðfelagarnir í Stjörnuni spældu í kvøld dyst á heimavølli í bestu íslendsku hondbóltsdeildini móti ÍBV.
Stjarnan vann ein greiðan 33-26 sigur. Í steðginum var heimaliðið á odda 16-14.
Jóhannes skoraði trý mál fyri Stjörnuna.
Stjarnan er nú nummar seks í deildini við 13 stigum fyri 13 dystir.
Komandi fríggjakvøld klokkan 19.30 verður føroyingauppgerð í høllini á Hlíðarenda í Reykjavík. Tá tekur liðið hjá Allani Norðberg og Bjarna í Selvindi, Valur móti Stjörnuni.
Eftir tað verður vetrar og HM-steðgur fram til 4. februar.
