Seinnapartin klokkan 17 spæla kvinnulandsliðini hjá Føroyum og Moldova dyst í bólki 1 í Nations League Deild C.
Dysturin verður spældur á Tórsvølli. Kvf.fo stroymir dystin og FM1 sigur beinleiðis frá dystinum.
Føroyar og Moldova hava bæði trý stig fyri tveir dystir. Í báðum førum hava liðini vunnið 1-0 á Andorra.
Tað verður ein svenskur dómari, ið fer at døma dystin. Talan er um Lovisu Johansson, ið fyri stuttum var fjórði dómari, tá føroyska U17-kvinnulandsliðið 12. mars tapti 4-6 fyri Írlandi.
Lovisa Johansson er ikki tann mest royndi altjóða dómarin, men hon hevur nøkur ár á baki sum dómari í bestu svensku kvinnudeildini, so Ásla Johannesen eigur at kenna hana frá dystum fyri Piteå í bestu svensku fótbóltsdeildini.
FØROYAR - MOLDOVA
Dómari: Lovisa Johansson SWE
Hjálpardómari 1: Jilan Taher SWE
Hjálpardómari 2: Laura Rapp SWE
Fjórði dómari: Cecilia Ekwall SWE
UEFA dómaraeygleiðari: Rhona Coombes IRL
UEFA umboð: Kimmo Lipponen FIN
