Nýggja stjórnin í Sýria við fyribilssetta forsætisráðharranum, Mohammed Al-Bashir, á odda, sigur, at grundlóg landsins og tjóðarting fyribils verða sett til viks í tríggjar mánaðir.
Tá so tríggir mánaðir eru farnir, verður ein nýggj stjórn skipað, og tjóðarting og grundlóg fara aftur at verða galdandi sum vanligt.
Talsmaðurin hjá fyribilsstjórnini í Sýria, Obaida Arnaout, sigur við AFP, at ein mannarættindanevnd skal skipast, sum skal gjøgnumganga grundlógina og leggja fram uppskot um broytingar.
Mánadagin í hesi vikuni gjørdist greitt, at Mohammed al-Bashir verður nýggjur forsætisráðharri í einum tíðarskeiði á tríggjar mánaðir.
Tað var síðstu sunnunátt, at sýriski einaræðisráðharrin, Bashar Hafez al-Assad, fall og við hjálp úr Russlandi flýddi úr Sýria og til Moskva við familju síni.
Lesið eisini -
* https://www.in.fo/news-detail/er-hayat-tahrir-al-sham-ein-yvirgangsfelagsskapur
* https://www.in.fo/news-detail/iran-gevur-israel-og-usa-skyldina
