Ukraina krevur eina umbering frá altjóða fótbóltssamgonguni, FIFA, eftir lutakastið mikudagin til HM-undankappingina.
Her vísti Fifa eitt kort yvir lond, sum av geopolitisku orsøkum ikki kundu spæla móti hvør øðrum. Millum tey londini var Ukraina, men Krim-hálvoyggin var ikki merkt sum partur av landinum.
Hetta hevur fingið talsmannin fyri ukrainska uttanríkisráðið, Heorhij Tykhy, at klaga um viðferðina í einum uppslagi á sosiala miðlinum X.
- Við at tekna mørkini øðrvísi, virka tit ikki bara ímóti altjóðarætti, men stuðla eisini russiskari propaganda, krígsbrotsverkum og ágangi móti Ukraina.
- Vit hava rættað kortið fyri tykkum og vænta eina umbering, skrivar hann við viðheftum korti.
Fótbóltssambandið í Ukraina hevur eisini sent eitt bræv til aðalskrivaran í FIFA, Mathias Grafström, og aðalskrivaran í UEFA, Theodore Theodoridis, við klagu.
Fifa viðurkennir brølaran.
##med2##
- FIFA er vitandi um, at ein feilur er gjørdur viðvíkjandi einum av grafikkinum undir lutakastinum og hevur handfarið støðuna við landið og brotið er tikið burtur, sigur ein talsmaður.
Russland legði Krim undir seg í 2014, men hálvoyggin er altjóða viðurkend sum partur av ukrainskum øki.
Ukraina endaði í HM-undankappingini í bólki saman við Íslandi, Aserbadjan og vinnaranum av kvartfinaluni í Nations League millum Frakland og Kroatia.
/Ritzau/
