Amerikanski herurin sigur í kvøld sambært Reuters, at loftálop eru framd móti uppreistrarbólkinum hjá houthiarum í Jemen.
Ein kommandostøð og ein eftirlitsstøð hjá houthiarum vóru málini við amerikansku loftálopunum.
- Málið var at raka samskipingina av álopum hjá houthiarum á amerikansk herskip og handilsskip í syðra parti av Reyðahavinum og í Adenvíkini.
Tað sigur amerikanski herurin á X, fyrrverandi Twitter, sambært tíðindastovuni, Reuters.
