Tvey ísfiskalínuskip liggja við bryggju, men nøkur frystilínuskip eru til fiskiskap.
- Trý frystilínuskip fiska undir Føryum, eitt er á Íslandsrygginum, og tvey fiska í Eysturgrønlandi.
Á Fiskamarknaði Føroya siga tey, at línuskipini fáa eina blanding av toski, longu og brosmu.
Lagt verður aftrat, at tvey frystulínuskip liggja við bryggju, og eitt er á royndarveiði eftir høgguslokki.
Um útlitini til útróður verður sagt, at streymurin verður nakað harður, men ikki av tí harðasta.
- Veðurforsøgnin sær gott út og roknað verður við nógvum útróðri.
Sagt verður, at útróðrarbátarnir fáa mest av toski og hýsu, men fiskiskapurin er smáligur.
Á Fiskamarknaði Føroya vænta tey, at nakrir útróðrarbátar fara á Føroyabanka at royna.
