Allan Norðberg, Bjarni í Selvindi og liðfelagarnir í Vali hava vunnið seg í fjórðingsfinalurnar í íslendsku steypakappingini.
Mánakvøldið vann Valur á heimavølli á Hlíðarenda í Reykjavík 29-26 á Gróttu.
Tað stóð einki til í steðginum. Tá var Grótta á odda 17-13. Men við góðum avriki í seinna hálvleiki tryggjaðu valsmenn sær sigurin.
Allan skoraði fimm mál, og Bjarni skoraði tvey mál í dystinum.
Fríggjakvøldið klokkan 19.30 verður føroyingauppgerð á Hlíðarenda. Tá koma Jóhannes Bjørgvin og liðfelagarnir í Stjörnuni á vitjan í dysti í bestu íslendsku hondbóltsdeildini.
