Í løtuni eru fýra partrolarapør til fiskiskap. Skipini fáa mest av upsa, og tey fáa eisini nakað av hjáveiði.
- Veðrið hevur verið vánaligt, og tí er ikki komið nógv burturúr hjá skipunum.
Á Fiskamarknaði Føroya vænta tey, at trý partrolarapør koma inn at landa í næstu viku.
- Av djúpvatnstrolarunum er bara ein til fiskiskap í løtuni. Teir fiska svartkalva, verður lagt aftrat.
Tað er eisini bara ein av teimum smáu trolbátunum til fiskiskap í løtuni. Teir fiska havtasku.
Av garnaskipunum fiska tvey skip svartkalva, og eitt fiskar havtasku.
- Garnaskipini hava smáligan fiskiskap, men øll skipini koma inn at landa í næstu viku, siga tey á Fiskamarknaði Føroya.
