So brast fyri nev við málskjótingini hjá Áka D. Samuelsen í kappingardysti fyri Ranheim.
Áki sum legði upp til mál í seinasta dystinum hjá Ranheim í næstbestu norsku fótbóltsdeildini, bæði skoraði og legði upp til mál í kvøld.
Ranheim spældi í øðrum umfarinum í norsku steypakappingini á útivølli móti Stjørdals Blink, ið spælir í triðbestu deildini.
Tá 22 minuttir vóru farnir legði Áki eitt gott hornaspark inn í brotsteigin hjá Stjørdal, ið Jonas Pereira stútaði í netið. Tá fimm minuttir vóru leiktir av seinna hálvleiki Vetle Wenaas bóltin inn í brotsteigin til Áka, ið hegnisliga stútaði bóltin uppum málverjan hjá Stjørdal og í netið. Stjørdal minkaði um munin til endaliga úrslitið 1-2 í 77. minutti.
Í 3. umfarinum, mikudagin 7. mai møta Áki og liðfelagarnir Egersund á heimavølli.
HER ber til at síggja hæddarpunktini frá dystinum Stjørdals Blink-Ranheim 1-2 (0-1), og fyrsta kappingarmálið hjá Áka í norskum fótbólti:
##med2##
