Gunnar Vatnhamar var við frá dystarbyrjan, tá hann og liðfelagarnir í Víkingi Reykjavík spældi dyst á Samsungvöllinum í Garðabær, har Stjarnan í dysti í bestu íslendsku fótbóltsdeildini tók ímóti.
Dysturin endaði við javnleiki 2-2. Daníel Hafsteinsson legði Víking á odda, tá ein hálvur tími var leiktur. Gunnar var skiftur út í 67. minutti, og stutt aftaná skoraði Stjarnan tvey mál innanfyri fýra minuttir. Men Nikolaj Hansen javnaði til 2-2, og fekk bjargað Víkingi eitt stig.
Breiðablik er nú fremst í deildini við 16 stigum. Víkingur er næstfremst við 14 stigum.
Komandi leygarkvøld klokkan 20.15 tekur Víkingur móti Akranesi á Víkingsvøllinum.
Støðan:
| Nr. | Lið: | Dystir | V | J | T | Málmunur | +/- | Stig |
| 1 | Breiðablik | 7 | 5 | 1 | 1 | 13:9 | 4 | 16 |
| 2 | Víkingur Reykjavík | 7 | 4 | 2 | 1 | 15:7 | 8 | 14 |
| 3 | Vestri | 7 | 4 | 1 | 2 | 8:3 | 5 | 13 |
| 4 | KR | 7 | 2 | 4 | 1 | 22:15 | 7 | 10 |
| 5 | Stjarnan | 7 | 3 | 1 | 3 | 11:12 | -1 | 10 |
| 6 | Afturelding | 7 | 3 | 1 | 3 | 8:10 | -2 | 10 |
| 7 | Valur | 7 | 2 | 3 | 2 | 15:12 | 3 | 9 |
| 8 | Fram | 7 | 3 | 0 | 4 | 11:11 | 0 | 9 |
| 9 | ÍBV | 7 | 2 | 2 | 3 | 7:11 | -4 | 8 |
| 10 | FH | 7 | 2 | 1 | 4 | 12:12 | 0 | 7 |
| 11 | Akranes | 7 | 2 | 0 | 5 | 7:18 | -11 | 6 |
| 12 | KA | 7 | 1 | 2 | 4 | 6:15 | -9 | 5 |
