Landsliðsleikarin, Vilhelm Poulsen spældi í kvøld sín fyrsta kappingardyst fyri Hannover Burgdorf í heimsins bestu hondbóltsligu, bundesliguni.
Hannover Burgdorf tapti á heimavølli 28-32 fyri Gummersbach í fyrsta dystinum í bundesliguni hetta kappingarárið.
Í fyrra hálvleiki leikaði javnt á, og í steðginum var støðan javnleikur 15-15.
Vilhelm var effektivur í kvøld. Hann fekk tveir málmøguleikar, og hann tók av báðu ferðirnar og skoraði síni fyrstu mál fyri Hannover Burgdorf í bundesliguni.
Klokkan 19.30 byrjaði dysturin millum Rhein-Neckar Löwen og THW Kiel. Elias Ellefsen á Skipagøtu er vegna skaða tíverri ikki við í hópinum hjá Kiel í kvøld.
Vilhelm og liðfelagarnir í Hannover Burgdorf spæla aftur dyst í bundesliguni sunnudagin 15. september. Tá spæla teir á útivølli móti HSG Wetzlar.
##med2##
