Tað boðar forsetin í Ukraina, Volodymyr Zelenskyj, frá í einum uppslagi á sosiala miðlinum X sunnudagin.
Hann tosaði fyrstu ferð alment um talið av falnum ukrainskum hermonnum í februar. Tá segði hann, at 31.000 av landsins hermonnum vóru dripnir í krígnum móti Russlandi.
Umframt at kríggið hevur kostað 43.000 ukrainskum hermonnum lívið, er læknahjálp veitt ukrainskum hermonnum 370.000 ferðir, skrivar Zelensky.
Helvtin av teimum særdu hermonnunum eru komnir aftur á vígvøllin eftir at hava verið viðgjørdir.
Sambært upplýsingunum hjá Zelensky eru 198.000 russiskir hermenn deyðir í krígnum.
Hvørki ukrainsku ella russisku tapstølini eru staðfest av óheftum keldum.
/Ritzau/
