Betri kvinnur: B36 er greitt oddalið í niðara endaspælinum

Betrideildin hjá kvinnum er nú í tveimum. 

Í dag byrjaði niðara endaspælið. Liðini hava tikið stigini frá grundspælinum við sær.

Á ovara vølli í Gundadali í Havn vann B36 trivaligan 3-0 sigur á Skála. Sigrið Hansdóttir skoraði tvey mál, og Emma Hansdóttir skoraði eitt mál. 

B36 er greitt oddalið í niðara endaspælinum. Tær eru 10 stig frammanfyri 07 Vestur. 

Á Dungasandi í Sørvági endaði tað við javnleiki 1-1 millum 07 Vestur og FC Hoyvík. Hanna Ole-Jacobsen legði heimaliðið á odda longu í fimta minutti. 07 Vestur var leingi á sigurskós, men fimm minuttir inni í tíðini dómarin hevði lagt aftrat javnaði Noomi Hansen til 1-1.

Mikukvøldið byrjar ovara endaspælið. Í ovara vølli í Gundadali í Havn tekur HB móti KÍ, og í Sarpugerði í Norðragøtu tekur Víkingur móti NSÍ.

B36-Skála 3-0 (1-0)

1-0 Sigrið Hansdóttir (28.)

2-0 Emma Hansdóttir (54.)

3-0 Sigrið Hansdóttir, br. (90.+)

07 Vestur-FC Hoyvík 1-1 (1-0)

1-0 Hanna Ole-Jacobsen (5.)

1-1 Noomi Hansen (90.+)

Kelda: dystir.fo

Støðan: Endaspæl Betri kvinnur, niðari bólkur: