Soleiðis skrivar Felagslistin til kommunuvalið í Hvalba:
Familju- og ungdómsmál: Barnafrádrátturin skal hækkast og frítíðarkort skal latast til børn og ung.
Trivnaðarmál: Fríøki skulu gerast í Hvalba og í Sandvík.
Bústaðarmál: Útstykkingar skulu gerast og eldraíbúðir skulu byggjast.
Eldramál: Ellisheim skal byggjast við eldraíbúðunum í nærumhvørvinum.
Vetrarfriðing: Vit skulu finna eina skynsama loysn á vetrarfriðing í samstarvi við hagapartarnar.
Umhvørvismál: Skil skal fáast á kloakkviðurskiftini, viðlíkahald av ognum og røkt av gøtum skal raðfestast, umframt at bøtast skal um umstøðurnar í bátahylinum í Nesi.
Hvalbiar skúli: Vit skulu varða væl um skúlan og tryggja lærarum og næmingum bestu umstøðurnar.
Vinnan: Vit vilja áhaldandi virka fyri, at vinnan hevur bestu karmar at virka undir.
Set títt álit á Felagslistan, um tú ynskir eina bjartari framtíð fyri Hvalbiar kommunu. Vit raðfesta Hvalba, Sandvík og Nes, og fara at gera okkara til, at fólk koma at støðast og virka í Hvalbiar kommunu í framtíðini.
Bestu ynskir,
Valevnini á Felagslistanum
Poul Laust Christiansen, Ronni Hammer, Thorstein Thomsen, Dina Jensdóttir Norðberg, Jan Poulsen, Jón Sigurd Vang Poulsen, Jón Thomsen, Jónfinn Poulsen, Kim Mortensen, Otto West og Ruth Midjord Berg