Liðini hjá hoyvíkingunum og havnarmanninum í týsku bundesliguni fingu fimm av seks møguligum stigum í dag.
Liðið hjá Eliasi Ellefsen á Skipagøtu, THW Kiel vann á heimavølli í Wunderino høllini í Kiel stórsigur 38-29 á Bietigheim.
Í fyrra hálvleiki var Bietigheim væl við, og í steðginum var Kiel bert á odda 19-18.
Elias skoraði tvey mál í dystinum. Kiel er fjórðfremst í deildini við 24 stigum.
Liðið hjá Hákuni West av Teigum, Füchse Berlin vann í Max Schmelling høllini í Berlin stórsigur 35-23 á Göppingen. Tað var heldur javnari í fyrra hálvleiki, og í steðginum var heimaliðið á odda 16-12. Hákun spældi tíverri ikki nakran nevniverdan leiklut í dagsins dysti.
Füchse er triðfremst í deildini við 24 stigum.
Jóhan á Plógv Hansen skoraði tvey mál, tá Flensburg-Handewitt á úivølli leikti javnt 32-32 (17-15) móti Hamburg.
Flensburg er nummar fimm í deildini við 22 stigum.
Í annaðkvøld klokkan 18 spæla Vilhelm Poulsen og liðfelagarnir í Hannover-Burgdorf toppdyst móti oddaliðnum, Melsungen á útivølli.
