Fótbóltslagið er ógvuliga slakt í Íslandi í kvøld.
Íslendska fótbóltslandsliðið er aftaná samanlagt 2-5 tap fyri Kosovo í tveimum dystum dottið úr Deild B og niður í Deild C.
Íslendingar høvdu aftaná 1-2 tap á útivølli eina vón um at venda gongdini á heimavølli.
Tað byrjaði eisini væl. Longu í øðrum minutti legði Orri Steinn Óskarsson lagt Ísland á odda 1-0. Men undan steðginum skoraði Vedat Muriqi tvær ferðir fyri Kosovo. Brekkan gjørdist brøtt hjá íslendingum, tá Albert Einar Gunnarsson miðskeiðis í seinna hálvleiki var vístur av vøllinum. Og tá Lindon Emërllahu økti til 3-1 var seinasta vónin sløkt hjá íslendingum.
Armenia, ið var í okkara Nations League bólki tapti í kvøld á útivølli 1-6, og samanlagt 1-9 fyri Georgia, ið sostatt varðveitir plássið í Deild B í Nations League.
