Vaktleiðarin á politistøðini í Havn sigur, at eingin persónskaði var í hesum sambandi, og at materielli skaðin var lítin. Men í báðum førum var talan um víkiskylduóhapp.
Eisini í Suðuroy var eitt lítið ferðsluóhapp, har ein bilur fór út av vegnum.
Í hálkuni um hálvgumsekstíðina í morgun fór ein bilur á glið á Glyvrum, heldur ikki har var nakar skaði.
Vaktleiðarin heitir á bilførarar um at ansa sær í ferðsluni í dag. Hóast veðurlíkindini ikki boða frá hálku, so var hált í morgun – og nógv ferðsla er tollaksmessudag, tað er myrkt og ringt sýni og nógv fólk til gongu eisini.
– Um øll ansa hvørjum øðrum, so skal tað nokk ganga, sigur vaktleiðarin á politistøðini í Havn.
