Tey fremstu landsliðini í Evropa løgdu nógv fyri í kvøld fyri at røkka Final Four í Nations League.
Í trimum av fýra fjórðingsfinalum í kvøld var neyðugt við longdari leiktíð, og í tveimum førum var neyðugt við brotssparkskapping. Í tí fjórðu fjórðingsfinaluni vóru heili seks mál skotin.
Frakland vann samanlagt á Kroatia aftaná longda leiktíð og brotssparkskapping, og sendi harvið Kroatia í HM-undankappingarbólkin hjá Føroyum.
Spania og Niðurlond skutu fimm mál hvør í tveimum fjórðingsfinalum. Neyðugt var eisini við longdari leiktíð og brotssparkskapping, har Spania var omaná.
Tað kostaði Danmark dýrt ikki at vinna meir enn 1-0 á Portugal í Parkini í Keypmannahavn. Portugal var á odda 3-2 tá vanliga leiktíðin var farin í Lissabon í kvøld. Í longdu leiktíðini skoraði Portugal tvær ferðir aftrat, og sendi Danmark úr kappingini.
Týskland var á odda 3-0 á heimavølli móti Italia, og samanlagt 5-1. Men Italia kom sterkt aftur og fekk javnleik 3-3 á útivølli móti Týsklandi. Týskland vann samanlagt 5-4.
4. juni møtast Týskland og Portugal í fyrru hálvfinaluni, ið verður leikt á Allianz Arena leikvøllinum í München. 5. juni møtast Spania og Frakland í seinnu hálvfinaluni, ið verður leikt á MHP Arena leikvøllinum í Stuttgart.
Týskland-Italia 3-3 (3-0) (Týskland vinnur samanlagt 5-4)
1-0 Joshua Kimmich, br. ('30)
2-0 Jamal Musiala ('36)
3-0 Tim Kleindienst ('45)
3-1 Moise Kean ('49)
3-2 Moise Kean ('69)
3-3 Giacomo Raspadori, br. ('95)
Portugal-Danmark 5-2 (3-2 - 1-0) - Aftaná longda leiktíð. Portugal vinnur samanlagt 5-3.
1-0 sjálvmál ('38)
1-1 Rasmus Kristensen ('56 )
2-1 Cristiano Ronaldo ('72 )
2-2 Christian Eriksen ('76 )
3-2 Francisco Trincao ('86 )
------------------------------
4-2 Francisco Trincao ('91 )
5-2 Goncalo Ramos ('115 )
Spania-Niðurlond 3-3 (1-0) (samanlagt 5-5)
1-0 Mikel Oyarzabal, br. ('8)
1-1 Memphis Depay, br. ('54)
2-1 Mikel Oyarzabal ('67)
2-2 Ian Maatsen ('79)
---------------------------
3-2 Lamine Yamal ('103)
3-3 Xavi Simons, br. ('109)
Spania vann brotssparkskappingina 5-4.
Frakland-Kroatia 2-0 (0-0) (samanlagt 2-2)
1-0 Michael Olise (´52)
2-0 Ousmane Dembele (´80)
Frakland vann brotssparkskappingina 5-4.
