Ein røð av NATO-sameindum fara væntandi at lata fleiri milliardir krónur til eitt slag av grunni, har peningurin fer til amerikansk vápn og útgerð, sum skal latast til stríðið hjá Ukraina móti Russlandi.
Tað boðar aðalskrivarin í NATO, Mark Rutte, frá, eftir at Niðurlond, sambært sínum verjumálaráð, hevur latið 3,7 milliardir krónur til fíggingarsháttin.
- Eg vænti fleiri týðandi fráboðanir frá øðrum sameindum í næstum, sigur Rutte sambært Reuters.
Hann hevur skrivað til allar limirnar í transatlantiska verjusamgonguni fyri at biðja teir um at stuðla. Grunnurin er stovnaður undir verju av NATO undir navninum " Priority Ukraine Requirements List", sum er stytt PURL.
Ritzau hevur spurt danska verjumálaráðið, um Danmark fer at luttaka.
Gávan hjá Hollandi fevnir um avgerandi Patriot, sum er tann mest framkomna rakettskipanin frá stórveldinum USA.
Amerikanski forsetin, Donald Trump, segði í síðsta mánaði, at USA fer at veita vápn til Ukraina, sum evropeisk sameind lond rinda fyri.
Fríggjadagin skrivaði Reuters, at NATO-londini, Ukraina og USA eru í ferð við at menna grunnin.
Komandi vikurnar væntar NATO, at ein røð av øðrum londum fara at boða frá sínum stuðli.
Ukraina hevur longu takkað Hollandi fyri stuðulin.
Sambært ukrainska forsetanum, Volodymyr Zelenskyj, stavar tiltakið frá einum stórum NATO-fundi í Haag fyrr í summar.
- Fyrsta stigið av hesum slagnum millum NATO-londini, sum kemur í eini tíð, har Russland roynir at herða álopini. Hetta fer heilt sikkurt at stuðla undir at verja lívið hjá okkara fólki, skrivar hann á X.
Í juli vitjaði danski verjumálaráðharrin Troels Lund Poulsen í USA saman við Lars Løkke Rasmussen, uttanríkisráðharra, og teir boðaðu frá einum líknandi átaki.
Ritzau/Reuters
