Skálamenn eiga framvegis metið

Í dag verður punktum sett fyri kappróðrarárið. Tað er ólavsøkukappróður, og FM heiti í fleiri róðrum verður avgjørt í dag.

Eitt av FM heitunum, sum tað í spenningi verður bíða eftir, at tað verður kappast um, er tað hjá 10-mannaførunum.

Klaksvíkingur og Havnarbáturin fara at kappast um FM heitið. Báðir bátarnir hava 39 stig eftir seks teir fyrstu FM róðrarnar. Teir hava vunnið tríggjar ferðir í part, og teir eru endaði næstfremstir tríggjar ferðir í part.

Tað vil siga, at tann, sum verður fremri av Klaksvíkingi og Havnarbátinum í dag, verður FM vinnari.

Líkindini at rógva kapp eru heilt góð. Tað er turt, og lotið er einki at tosa um. Hann er útnyrðingur, og tí eru tað ikki serliga góðar vánir fyri, at talan verður um nýtt met í dag.

Skálabáturin eigur metið í kappingini millum 10-mannaførini á ólavsøku. Tað var í 1992, at tíðin hjá Skálabátinum var 3.52.00. So skjótt hevur eingin róð fyri ella síðani.