Havstovan:
Nýggj grein gevur fyri fyrstu ferð boð uppá, hví tilgongdin broytist so sera nógv frá einum ári til annað.
Umskiftiligt luftrák vestan fyri Írland stýrir havumhvørvinum við gýtingarleiðirnar hjá svartkjafti, sum so aftur ger av, hvussu nógv egg og yngul yvirliva. Hendan vitan kann gera tað møguligt at framsiga tilgongdina til stovnin upp til eitt ár frammanundan.
Um hetta veruliga eydnast, kann tað stuðla undir umsiting og gagnnýtslu okkara av hesum vistfrøðiliga og búskaparliga týdningarmikla fiskaslagi, skrivar Havstovan.
Greinin er útgivin í tíðarritinum ICES Journal in Marine Science, og kann lesast her.
