Nýtt jólalag er nú tøkt á YouTube. Tað er Sara Bjørt Rógvadóttir á Lakjuni, ið syngur jólalagið: "Hvít og føgur".
Tikið upp, innspælt ymiskt og lagt til rættis: Rógvi á Lakjuni Lassen
Guitar: Jón Mørkøre
Kór: Rógvi á Lakjuni Lassen
Miksað og mastrað: Rógvi á Lakjuni Lassen
##med2##
Hvít og føgur:
Orð: Hans Andrias Djurhuus // Lag: Jógvan á Lakjuni
1. Hvít og føgur foldin er,
klædd í búnan fríða.
Jólaklokkan víða ber
jólaboðið blíða.
2. Nú er tendrað jólatræ,
ljómandi tað stendur;
Smábørn fegin, smábørn glað
taka saman hendur.
3. Syngja tey so fegin her:
„barn í heim er borið -“
„fagurt bláur himin er,“
„lív fekk besta korið.“
4. Eygu gerast djúp og rein,
roðin er á kinnum.
Lætt seg flyta smáu bein,
gleði er í sinnum.
5. Hvít er fold, og fold er rein
jólaklokkan ljóðar -
stillist sorg og grøðist mein;
lívgast kenslur góðar.
