Sveis avrikaði framúr væl undir EM-endaspælinum í Týsklandi, og tað var bert aftaná brotssparkskapping, at Sveis tapti fyri Onglandi í fjórðingsfinaluni.
Nú hevur sveisiska fótbóltssambandið valt at løna landsliðsvenjaranum, Murat Yakin fyri góðu avrikini.
Upprunaligi sáttmálan hjá Murat Yakin gongur út 1. august, men nú er hann longdur tvey ár.
Í sveisiska fótbóltssambandinum vóna tey, at Murat Yakin kann vinna Sveis til HM-endaspælið í USA, Kanada og Meksiko í 2026.
49 ára gamli, Murat Yakin hevur verið landsliðsvenjari hjá Sveis síðani 2021.
Áður hevur Murat Yakin vant lið sum FC Sion, Grasshoppers og FC Schaffhausen.
