Reuters veit í kvøld frá Hvítu Húsunum at siga, at Russland sigur seg vera til reiðar at hitta amerikanska forsetan, Donald Trump.
Í Hvítu Húsunum siga tey, at amerikanski forsetin er opin fyri at hitta bæði Vladimir Putin og ukrainska forsetan, Volodymyr Zelenskyj.
Einki verður sagt um, hvar ein slíkur - ella slíkir - fundir kundu verið hildnir, men sagt verður, at hetta kann henda so skjótt sum í næstu viku.
Amerikanska stórávísin, The New York Times, ber eisini hesi tíðindi í kvøld, men hvørki Russland ella Ukraina hava gjørt viðmerkingar til tíðindini.
The New York Times væntar, at Donald Trump fyrst fer at hitta russiska forsetan - og síðan ukrainska forsetan beint eftir.
Útlendskir miðlar vita eisini at siga, at bæði Nato-leiðarin, Mark Rutte og leiðararnir í Stórabretlandi, Týsklandi og Finnlandi í dag hava skift orð við Donald Trump og Volodymyr Zelenskyj.
