Tá Mert Müldür hjá Turkalandi gjørdi sjálvmál móti Niðurlondum í EM-fjórðingsfinaluni var talan um sjálvmál nummar 10 í hesari EM-kappingini.
Talan er tó ikki um met.
Metið er frá EM-endaspælinum í 2021. Tá var talan um 11 sjálvmál.
Enn eru tríggir dystir eftir, tvær hálvfinalur og ein finala, so tað kann væl henda, at metið verður tikið.
Í annaðkvøld spæla Frakland og Spania hálvfinalu og mikukvøldið spæla Ongland og Niðurlond hálvfinalu. Báðir dystirnir byrja klokkan 20.
